موقف صعب :(

موضوع: موقف صعب :( الخميس فبراير 05, 2009 10:13 pm

بسم الله الرحمن الرحيم

من أصعب المواقف أن تودع من تحب

وأنت تراه

يفارق الحياة

حبيب قد ملئ عليك الدنيا بطيبته وحبه الصادق ..

وكأنك تشعر بأنك هو... لايريد لك إلا السعادة

والتوفيق ويتبسم لك حتى لو هو في اشد وأقسى الظروف

لكيِلا تشعر بضيق منه

وفي قمة الوفاء

وعلى الفراش الأبيض بعدما زاد عليها

المرض

زرتها

... لننظر ماذا حدث :

هلا بك يابَعد عمري ياقلبي انت ياالغالي

........................ تهلّي بي عيون الحب من آخر ليالـــــيها

تقول ارجوك لاتهتم انا في أحسن احوالي

........................... تبسّم لي وهي تمسح دموع العين بيْدَيها

تقول: " الدنيا وش تسوى إذا ماشفتك اقبالي

........................ أبيع الكون لعيونك لجل لحظه معي فيها

تموت من الألم لكن تبي ماينشغل بــالي

....................... ألا ياناس ياعالم وربي من يســــــاويها"

وهلّت دمعة عيوني بعد ماضاق بي حالي

...................سجدت ادعي بدون شْعور الا يارب تشفيها

وقالت : " لو يشيلوني وعّنك شدّوا ارحالي

......................... أمانه يابعد روحي أبي روحك أوصّيها

أبيك اجمل من الأول أبي كل ماتهيالي

......................... بَعد موتي أشوفك مهتني روحي تهنَيها"

"ألا ياطـــيبة الدنيا ألا ياشـمسي وظــــلالــي

....................... نهاية روحي من قبلك عسى ربي يبدّيها"

وشالوها بْسرير ابيض وزاد الهم غربالي

........................... وضاقت فيني الدنيا وانا نفسي أمنّيها

و راحت تنتظر رجعه ودمع العين هَمّالي

........................ ألا لو هو العمُر يعطى قسم بالله لاعطيها

وطاحت ورده من كفّي وانا ماشي على فالي

...................... لقيت الشال في يدّي يضّمه قلب مغليها

جلست اراقب الساعه وانا ادعي ربي الوالي

.................... عسى ياربي يارحمن ياقادر تنجّيـــــها

أنا من لي بهالدنيا واعيش اشلون بلحالي

............... . .بعَدْها ماأبي نفسي وحتى الـناس ماابيها

قسم بالله لو موتي يجيني قبلها اشــــوى لي

............... ولاابي تبعد وْ تـــرحل وانا مــاأقدر اوفيــها

وجَوا لي أربع اطبّـا وقلبي مشتعل صالي

............" أمانه هاه قولوا لي أمانه وش حصل فيها"

وقالوا

وقالوا

وقالوا

وقالوا لي:" البقا براسك" وصاب الأرض زلزالي

............ تزلزل كل مافيني بكــــــت نفسي وامانيها

ولاكني بهالدنيا صرخت بصوتي العالي :

......... "ألا يامااصعب الفرقا وروحي من يواسيـــها

عسى الرحمن يرحمها ويغفر أول وتالي

.........وعسى ياربي بالجنه بعَد موتي ألاقيها"

وسلامة قلوبكم

للشاعر برجس المطيري

قـــــــــــمــــــــــــة الأســـــــــى فعلاً موقف جداً صعب

مشكوووووور تقبل مروري