معاناة { ,

معاناة مواطن

((ماهمني الا راتبي ذا الشهر طار))

ماني متابـع للسياسـة والأخبـار **ولا همني أوباما ولافـوز ماكيـن

ولا همني وش قال حسني وبشـار**وما همني لو زادوا الهند والصيـن

وما همني لو سوق الأموال منهـار**وماهمني لو كان خسـروا ملاييـن

ماهمني الا راتبي ذا الشهـر طـار**كله صرفته يوم خمسة وعشريـن

بعثرت مدخولي على يمين ويسـار**وقعـدت وعيالـي نصفّـق بكفيـن

1300 علـى طـول فـإيـجـار**و400 مصروف جوال فـي زيـن

و 1150 فـي شركـة إعـمـار**قرض ٍ أخذته وشفطـوه الشياطيـن

و1100 تجديد وأتعـاب سمسـار**عندي استمارة مطوفة حول عامين

و400 فاتـورة المـاء والأنـوار**حتى ولـو كنّـا للأنـوار مطفيـن

وأمـا 800 بسـوي بهـا الكـار**سيـارة ٍ جربـا ثـلاث وثمانيـن

لا شمة الراتب يجيها كمـا الـزار**تنفض مكينتها كما نفـض بوكليـن

وام العيال تصيح يا زوجـي البـار**هذا الشهر عندي في القصر عرسين

احتاج انا فستان من عشرة امتـار**وأفصله يا فالـح الـراي بألفيـن

وأخر مئة بتروح في جيب كومـار**الحارس الهندي عسى فاله الشيـن

ويقول مـا تكفيـه للفلفـل الحـار**زعلان يبغى فوقهـا زود خمسيـن

وزادت معاناتي مـع زود الأسعـار**أصبح مثل ما قيل طـاق ٍ بطاقيـن

أزمـة مسويهـا مداهـن وتجـار**وراحوا ضحيتها الضعوف المساكين

منحاش من نار ٍ وطبيت فـي نـار**ويا ويل حظ اللي وقع بيـن ناريـن

وإن الجمل صابر على الضيم صبّار**وان طاح تكثر في جنوبه سكاكيـن

أبديت ما في الصدر من هم واسرار**بأقولهـا واخلـي الخافـي يبيـن

يا شيوخنا لا لا تغضـون الأبصـار**صار المواطن يشكي العسر والدين

وانتم به ادرى ياطويليـن الأعمـار**بالله عليكم شوفوا الوضع بالعيـن

الله الله فالكون

من جد معاناة الله يعين المسلمين بــس

تسلم فالكون على الاختيار

الله يسلمك

أسعدني مروركـ

والله صاااااادق هذا الواااااقع في هالوقت ذا

مشكوووووور أخوي تقبل مروري ^_^