وش رايــــــكم تتوقعون القصة صحيحه ؟؟؟؟

اليوم جايب لكم قصيده على شكل قصه وابي رايكم فيها وفي مضمونها يعني تتوقعون صدق ها القصه ؟؟

شفتها ياسعود صدفة بعد ماغابت سنين
عند قسم المختبر وسط مستشفي الجامعه

جيتها ثم قلت ممكن في سؤالي تسمحين
ناظرت فيني بدهشـة نظرة متواضعه

قالت انته تحسبني من بنات صايعين
تحسبني في زماني عـن طريقي ضايعـه

قلت انا ماراح اطول كلبوها كلمتين
وابعدت عني شويه ثم جتنــي راجعـــه

قالت اسأل واضح انك مــن رجال طيبين
بس هرجك يالسنافي كان وشهو دافعــه

قلت انا حبيت وحـده يوم حنا صغيريـن
ومـن ثمان سنين راحت للــمواصل قاطعـه

عقبها ماذقت نـوم يهتنيه النـايمـين
ساهر في طول ليلي لين شمسي طالعـه

اذكر انه فيه حبه فوق ثغره من يمين
واذكـر انـه لاجرينا كن شعره تابعـه

واذكر انه عاشق بالــورود الياسمين
صار قلبي بالـورود اللي عشقها زارعــه

طابع اسمه بقلبي فيه سين وفيه عين
وفيه الف وفيه دال وسط قلبي طابعه

قاطعتني بقولها سبحان رب العالمين
كررتهـــا مــره ومرتـين ورابــعـه

قلت وشبك وشبلاك يابنيـــه ترجفــين
ليش عينك يابنيه من كلامي دامعـه

قالت الموقف وقلبي والمحبة والحنين
كيف اشوفك بعد ماكنت عنك قانعــه

قلت انا بسألك انكانك انتي تذكريـن
عن مواثيق ثمنها مـن حياتـي دافعــه

قالت ظروف الزمان ماتطيع العاشقين
بيـعوني غـصب حبـك لوهو مانـي بايعـه

انا في دنياي حالي كنها حال السجين
حتى لو فكوا سراحه فيه شي مانعـه

زوجوني غصب واحد وحرموني حاجتين
السعادة في زماني والحياة الرايعه

والحين انا ام لثلاثه عندي ريم وياسمين
والولد اسمه على اسمك والمشاعر جايعـه

أولاً أشكرك رالديس على الاختيار الرائع ،،، قصيدة مليئة بالأحاسيس

تحمل أبياتها الإستسلام للواقع برغم عدم الاقتناع به.

وبالنسبة لـ هل تتوقع انها حقيقية أو لا؟

صعب التوقع ، لكن القصيدة تبدو ترجمة شعرية لموقف حقيقي .

تقبل مروري ،،،،

اسعدني مرورك الرااااااائع فالكون

والقصيده تبدو كما قلت أخي العزيز ترجمة موقف

مع عدم إغفال مقولة أن الشعراء يقولون ما لا يفعلون

لـكـ حبيـ وتقديريـ أخيـ فالكونـ

[b]

قصيدة في غاااااااااية الرووووعهــ

وانا اوافقكم الرأي ،،، سلمت تقبل مروووري[/b]

ــــــــــــــــ

ـــــــــــــــــ

أخـتي عيون مجروحه

سعدت بمرورك العطر على موضوعي شاكراً لكي أختي الكريمه
ـــــــــــــــــ

قصيده مؤ لمه وحملت مابين طياتها ماهو اقرب للواقع اختيار جميل
سلمت اخوي وسلم اختيارك الرائع ولا تحرمنا من ها النوع من المواضيع مشكور ودمت

راااائع رالديس يعطيك الف عاافيه على هذا الاختيار